Microsoft најави на својот блог дека и покрај Windows Phone 8 телефоните, нема намера да ги запостави претходните уреди. Поточно станува збор за Windows Phone 7.5 кои ќе бидат надградени на 7.8.
Основна работа која со надградбата ќе им биде достапна на сопствениците на Windows 7.5 телефоните ќе биде почетниот екран на 8-цата. Поточно екран каде ќе може да се зголемуваат или намалуваат фолдерите и иконите. Новата верзија ќе вклучува нови „теми“ и бои со што нивниот бројот ќе се зголеми на дваесет. Додадено е и подобра заштита на PIN и лозинките, која ги штити податоците од бришење при случај на прекумерно внесување на погрешен пин број.
Microsoft својата надградба ја најави за почетокот на 2013 година, а наскоро ќе бидат прилагодени повеќе апликации како Words with Friends, Draw Something, Angry Birds Star Wars и Angry Birds Space. Иако можеби навистина потегот доаѓа предоцна, Microsoft сепак не ги заборави корисниците кои први ги прифатија Windows телефоните. Ова е првата најава за дата на Windows 7.8 телефон откако компанијата го најави на крајот на јуни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
