Microsoft најави дека мобилната платформа има длабока интеграција со Facebook за да им се дозволи на корисниците да одберат што ќе сакаат да им се појавува на екранот на заклучениот телефон, односно ќе може да се прикажуваат фотографии и друга персонализирана содржина. Но, Skype и Facebook нема да бидат единствените популарни апликации. За да го реши проблемот со недостаток на апликации, во моментов има 120.000 апликации што е малку споредено со 600-те илјади на App Store или Google Play, Microsoft најави дека 46 од 50-те најпопуларни апликации ќе мигрираат на платформата. Меѓу нив се Cut the Rope и Аngry Birds Star Wars.

Windows Phone 8 ќе има и Rooms опција со која ќе може да се креираат приватни групи за полесна комуникација меѓу пријателите. Преку овие групи ќе може да се споделвуаат календари и фотографии. Eдна интересна функција на Windows Phone 8 е и Kid’s Corner која е наменета за децата. Microsoft ја објаснува како „телефон внатре во телефон“ бидејќи со неа ќе може да се избере до кои апликации децата ќе имаат пристап.

Windows Phone 8 телефони ќе се појават во Европа уште овој викенд. Меѓу првите ќе бидат Nokia Lumia 920, HTC 8X и Samsung Ativ S.