Студиото зад прекрасниот iOS и Android календар Sunrise сега е во сопственост на Microsoft. Непотврдени информации велат дека гигантот за оваа аквизиција исплатил околу 100 милиони долари. Sunrise поддржува Gmail профили и Facebook настани/родендени. Апликацијата интегрира и сервиси како SongKick и TripIt, но и Foursquare и Evernote. Апликацијата овозможува голем број на функции за организација на настаните без разлика дали станува збор за состаноци, родендени или известувања.
Microsoft официјално ја потврди аквизицијата на YouTube каналот откако, минатата недела се појавија првите шпекулации за интересот на компанијата за Sunrise. Најавите се дека компанијата ќе интигрира дел од Sunrise во Outlook, односно Acompli кој неодамна е ребрендиран во Outlook и веднаш беше прогласен за еден од најдобрите сервиси за имејл на iOS. Без сомневање Sunrise останува присутен на iOS и на Android, а секако конечно ќе се појават и на Windows Phone.
[youtube]0KhasPPLH7A[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
