BitTorrent во соработка со Rapid Eye Studios најави креирање на сопствена ТВ серија, јави Mashable. Серијата ексклузивно ќе биде достапна преку BitTorrent Bundle. За сега планот е да креираат по две серии во годината кои на Bundle ќе бидат достапни помеѓу 30 и 60 дена, по што ќе бидат достапни и на други платформи. Приходите од сериите најверојатно ќе бидат од реклами, а средствата ќе бидат поделени во соодност 9:1 во корист на креаторите на содржина.
„Последниве две години станавме доверлив и валиден канал, а креаторите и издавачите имаат можност да допрат до 170 милиони корисници месечно. Навлегувањето во светот на оригинални содржини е она што ќе не направи сериозен медимски бизнис и не носи чекот поблиску до нашата цел: креирање на дигитална иднина за сите креатори“, вели директорот на BitTorrent Ерик Клинкер.
Првата серија ќе биде Children of the Machine која ќе започне со снимање оваа пролет, а ќе биде емитувана до крајот на 2015 година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
