Откако претстави кул кул новини на Build конференцијата, како можност за користење на Android и iOS апликации во Windows 10, покажа фантастично демо од HoloLens, Microsoft се реши и да го претстави наследникот на Internet Explorer. Името му е Edge, Microsoft Edge и е прелистувач кој ќе се појави во Windows 10.
Иако Edge има слично лого како Internet Explorer, што не е многу паметна идеја, сепак Microsoft вели дека Edge е комплетно различен прелистувач од ужасниот претходни. Според Microsoft, Edge е побрз од Internet Explorer (зарем не се сите?), има интеграција со гласовниот асистент Cortana, и ќе понуди подобра персонализација, вклучувајќи ја и можноста на Edge да поддржува Chrome и Firefox екстензии, што се добри вести за девелоперите и корисниците. Но, Edge ќе биде врзан само за Windows 10, односно нема да може да се користи со претходните верзии на Windows, ниту има информации дека ќе се користи на други оперативни системи, пред се на Mac.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
