Рециклирана електроника, паметни телефони и компјутери ќе се користат за изработка на медалите за Олимписките игри во Токио 2020. Потребно е доволно метал за изработка на околу 5 000 златни, сребрени и бронзени медали.
Организаторот има план со рециклирање на електроника од апарати да собере 2 700 килограми бронза, 30,3 килограми злато и 4 100 килограми сребро. За ова организаторите побараа од граѓаните да ја донираат својата стара електроника. Целта е сите медали и за Олимписките и за Параолимписките игри да бидат целосно изработени од рециклиран материјал.
Собирањето ќе трае до 31 март оваа година, кога ќе биде и затворено. Засега се собрани доволно материјали за 93,7% од златните медали и 85,4% од сребрените. Материјалите за бронзените медали се веќе собрани. Досега се рециклирани 28,4 килограми злато и 3 500 килограми сребро. Потребни се 30,3 килограми злато и 4 100 килограми сребро. Што се однесува до дизајнот на медалите до крајот на оваа година ќе треба да видиме и како ќе изгледаат медалите кои ќе се доделуваат на следната летна Олимпијада.
Токио 2020 не се првите Олимписки игри во кои се користи рециклиран материјал. Во Рио 30% од медалите беа од рециклирани материјали. Проблемот со е-отпадот е актуелен, во 2019 се проценува дека има 49,8 тони ваков отпад.
