Journey ја освои наградата за најдобра игра на Game Development Choice Awards во Сан Франциско. Наградата овојпат ја освои во конкуренција на Dishonored, The Walking Dead, Mass Effect 3 и XCOM: Enemy Unknown. Покрај оваа награда, креаторите на играта, That Game Company, се добитници и на наградите за најдобар визуелен изглед, најдобар дизајн, најдобро аудио, Награда за иновација и Најдобра игра која може да ја симнете.
Најдобра игра според фановите е Dishonored, Најдобра нарација има The Walking Dead која е една од најдобрите игри кои излегле последниве години. Најдобра технологија има FPS-то Far Cry 3. Специјална награда за остварување во индустријата за видео игри им е доделена на основачите на BioWare, Реј Мазика и Грег Зесчук.
Покрај наградите на GDC, Јourney неодамна освои награди и на британските BAFTA. Покрај дизајнот и уметничкото достигнување, играта беше наградена и за музиката на Остин Винтори која ја изведе Камерниот оркестар на Македонската Радио Телевизија.
[youtube]61DZC-60×20[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
