Во Македонија е тешко да се започне стартап. Но, ако имате добра идеја не треба да одите далеку, само преку границите во Бугарија, каде ќе добиете шанса да направите нешто кул. Toa му успеа на Excubitor, играта за која Tesseract доби 30.000 евра инвестиција со кои ја направија првата македонска игра која се продава на Steam, и се надеваме ќе им успее на Showshake, платформата за менаџирање на живи свирки.
Овие два македонски стартапи беа дел од програмата на бугарскиот акселератор LAUNCHub кој дели европски пари на регионални иновативни идеи. Сега акселераторот стартува нова рунда апликации за иновативни стартапи кои можат да добијат дури до 200.000 евра инвестиција за понатамошен развој. Во оваа рунда LAUNCHub бара стартапи кои работат со биткоини, медицина, развојни алатки за девелопери, SaaS решенија, облак инфраструктура и интернет на нештата – на кратко, бараат иновативни стартапи кои се во рана фаза, но кои можат да ја „пореметат“ ИТ индустријата. Иако LAUNCHub, како и Eleven, друг бугарскис акселератор кој инвестира европски пари во регионални стартапи, е aкселератор за стартапи во рана фаза, сепак не очекуваат дека ќе им аплицирате само со идеја нацртана на салфетка, како што се они култни приказни зад успешните ИТ компании. Такво нешто е мит. Но, ќе очекуваат сериозен бизнис план, фидбек од корисниците, метрики за продуктот, и рецензии од првите клиенти.
Доколку имате иновативно решение, и мислите дека 200.000 евра ќе ви помогнат да ја реализирате вашата идеја, тогаш аплицирајте на повикот на LAUNCHub. Рокот за пријавување е 15-ти септември.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
