Facebook, Verzon, Office 365, повторно беа недостапни за дел од корисниците. Овој пат виновникот е сервисот Cloudflare кој треба да ги заштити серверите од DoS напади. Verizon беше причина за проблемите минатата недела, но оваа недела тоа е Cloudflare.
Причината за падот не е напад туку проблеми со кодот, поточно компанијата „качи“ код со пропуст. Грешката е во кодот кој детектира „inline Javascript“ напади и проблеми со овој код ги преоптоварил процесорите на „firewall“-от. Поради ова сите страни кои ги заштитува Cloudflare околу половина час беа недостапни и јавуваа грешка 502.
Проблеми имаше и Microsoft со Office 365 сервисот кој за дел од корисниците не беше достапен, а проблемот беше само за дел од провајдерите.
Веројатно најголем дел од вас забележаа дека проблеми имаше и најпопуларната друштвена мрежа. На Facebook дел од сликите беа недостапни, а ова беше проблем и а WhatsApp и на Instagram. Проблемите на Facebook беа поради погрешни „timestamp“ податоци, објасни ArsTechnica.
Речиси истовремено проблеми со испраќањето на директните пораки имаше и Twitter. Иако најголем дел од другите проблеми се отстранети, директните пораки на Twitter сè уште повремено имаат проблеми.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
