#Комкаст е видео подкаст кој едноставно мора да го следите, бидејќи е воден од двајца пионери на македонската ИТ сцена – Дарко Булдиоски и Митко Цабевски. Дарко е основач на маркетинг агенцијата New Media Mk и сигурно сте чуле за AllWeb, конференцијата за дигитален маркетинг која ја организира. Митко има долгогодишно корпоративно искуство, но го знаеме најдобро по неговите активности на стартап сцената, и секако по U:plug, хрватскиот стартап кој направи паметен штекер. Митко е ко-основач на U:plug и моментално се сели во Хрватска, па оваа 14-та епизода на #Комкаст Дарко треба да ја носи сам на своите плеќи.
На #Комкаст се дискутира за се што се случува онлајн, од друштвени мрежи, нови медиуми, дигитален маркетинг до е-трговија во Македонија и интервјуа со реномирани ИТ експерти. Сите епизоди може да ги најдете на YouTube или на Тwitter со хаштагот #Комкаст. Од оваа епизода и IT.mk се вклучува во реобјавување на подкастот.
