Наскоро сите „пилоти“ кои ќе управуваат со дронови или беспилотни летала ќе треба да ги исполнуваат ригорозните услови кои ќе ги наметне Американската федерална администрација за авијација (FAA). Тоа што ќе ги погоди сите ентузијасти покрај максималната висина на која е дозволено летање на дроновите од 120 метри е што услoвите кои ќе важат за сите летала под 21 килограм се: дозволено се само летови преку ден и операторите на овие летала ќе мора да завршат обука за управување со леталата.
Изненадување е што наместо инструкции за поголема приватност кои се очекуваа за регулација, регулирани се технички детали за летовите. Ова можеби е делумно разбирливо со оглед на тоа дека FAA не сака леталата да можат да го попречуваат комерцијалниот авио сообраќај, но опфаќањето на суперлесните и мали летала во иста категорија со поголемите наиде на негодување.
„Ми изгледа дека ќе дојде до огромен хаос. Правилото е толку далечно од технологијата и аспирациите на индустријата… што ќе придонесе за гласно одбивање на регулативата“, вели Мајкл Дробац претставник на креаторите на дронови и иновации, организација чии членови се Amazon и Google за Wall Street Journal.
Вообичаено со излегување на препораката започнува период во кој ќе може да се приговара, по што веќе од следната година законот би можел да стапи во сила. Сепак официјализирањето на мерката би можело да се одложи и за една до две години.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
