Од крадење на лични податоци, бришење на податоците на мобилниот, вклучување во зомби ботнет мрежа и намерно праќање на пораки до премиум броеви. Сите овие се реални опасности од злонамерниот софтвер кој станува се „попопуларен“, во 2010-та се забележани 2.500 напади на мобилни уреди наспроти само 853 во 2009-та, вели безбедносната компанија Bullguard во својот инфографик.
Целта на вирусите се паметните телефони, и тоа не исклучува ниту една платформа. Android, iOS, BlackBerry, Symbian и Windows Phone, сите се мета на spyware, phishing, црвови и тројанци.
За да си ги заштитите мобилните телефони и податоците, првин осигурајте се дека симнувате апликации од веродостојни продавници, повеќето платформи си имаат своја официјална продавница, немојте да пристапувате до банкарски и други финансиски сервиси преку јавна Wi-Fi мрежа, симнете си мобилен антивирус и Firewall, и секако, имајте сложена лозинка.
(via Mashable)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
