Gen Z има важна улога во обликувањето на потрошувачката на апликации. Позната и како „генерација родена со телефон во рака“, тие сочинуваат приближно 40% од глобалните корисници на мобилни телефони.
За подобро да се разберат нивните преференции, TechCrunch ја контактирале фирмата за анализа на апликации Appfigures, која споделила увид за 50-те најсимнувани апликации од Gen Z оваа година.
Поради правилата за приватност, податоците за корисници на возраст од 13 до 17 години беа недостапни. Наместо тоа, Appfigures обезбеди вкупни бројки за преземање за корисници на возраст од 18 до 24 години во периодот од јануари до октомври 2024 во САД.
Првите две апликации со најмногу преземања се кинески!
Врз основа на податоците од корисниците на iOS и Android во САД, Temu е најсимнувана апликација од јануари до октомври. Популарната платформа за е-трговија позната по ниските цени беше преземена дури 41,98 милиони пати од младите возрасни луѓе на Gen Z.
Колку за споредба, неговиот конкурент Shein има 14,68 милиони нови преземања во истиот период. Сепак, оваа бројка не мора да укажува на опаѓање на интересот за апликацијата, туку сугерира дека многу млади возрасни во оваа демографија можеби веќе ја имаат инсталирано на своите уреди.
Сосема очекувано, TikTok е на второто место по Temu, со 33,23 милиони преземања. Имено, платформата во која доминира Gen Z е исто така фаворизирана како пребарувач пред Google, истакнувајќи го нејзиното огромно влијание надвор од забавата.
Првите две апликации со најмногу преземања се кинески. Ова и не им би се допаднало на американците, а воедно говори и за порастот на кинеското влијание во светски рамки.
YouTube, кој продолжува да биде популарен меѓу Gen Z. Според Appfigures, мобилната апликација забележала 14,03 милиони нови инсталации во текот на приближно 10 месеци.
Една интересна нова апликација која што добива на популарност е ShortMax, која нуди приближно 1.000 кратки филмови во различни жанрови. Податоците покажуваат дека Gen Z ја инсталирале апликацијата над 10 милиони пати во 2024 година.
Какви се бројките на апликациите на Meta и Google?
Покрај апликациите за купување и стриминг, Gen Z активно го преземаа пакетот апликации на Meta. Водечка на листата е Threads со 32,32 милиони преземања, а потоа следат WhatsApp (28,42 милиони), Instagram (26,29 милиони), Facebook (20,58 милиони) и Messenger (17,63 милиони).
Покрај Threads и Instagram, CapCut на ByteDance е уште една платформа која многу ја користат Gen Z. Позната по многуте ефекти и филтри, апликацијата за уредување видео го поедноставува создавањето содржина за TikTok и другите платформи. Податоците покажуваат дека CapCut има 21,72 милиони нови преземања.
И Google забележа значителни преземања оваа година. Апликацијата за пребарување на Google достигна 17,65 милиони преземања, додека Chrome и Meet забележаа 10,19 милиони и 9,63 милиони инсталации, соодветно. Дополнително, Google Drive собра 7,22 милиони преземања, а Google Photos забележа 6,79 милиони.
ChatGPT е ресурс број еден!
Друг сосема очекуван пример е дека ChatGPT на OpenAI останува популарен меѓу Gen Z, со 24,63 милиони инсталирани апликации. Бидејќи многумина во оваа возрасна група започнуваат со факултет или ги започнуваат своите кариери, ChatGPT стана ресурс број еден за образование и кариерна асистенција.
Други популарни апликации кај Gen Z се Snapchat со 19,16 милиони преземања, проследено со Telegram (13,12 милиони), Pinterest (8,23 милиони), Reddit (8,06 милиони) и X (7,58 милиони).
Netflix е најдобрата услуга за стриминг меѓу Gen Z оваа година, достигнувајќи 15,67 милиони преземања. Prime Video и Disney+ следат со 12,86 милиони и 11,68 милиони преземања, соодветно, додека Max, Peacock и Tubi имаат над 7 милиони преземања.
Меѓу апликациите за стриминг музика, Spotify останува водечки избор, привлекувајќи 10,45 милиони преземања.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
