Кинеските хакери користат кинеска реплика на кодот на NSA

Кодот кој го користат кинеските хакери е развиен од Националната агенција за безбедност (NSA) тврдат безбедносни експерти од израелската компанија CheckPoint Software Technologies.

Софтверот на алатката „Jian“ која кинеските хакери ја користат за шпионирање е речиси копија на алатки кои беа објавени во 2017 како дел од пробивањето на NSA. Сличноста е толкава што безбедносниот експерт Јанив Балмас од CheckPoint Software Technologies ја нарече алатката „кинеска реплика“, вели Reuters.

Безбедносните експерти и претходни ја обвинуваа Националната агенција за безбедност дека наместо да ги пријавува, активно злоупотребува безбедносни пропусти. Тие се само една од агенциите кои ги злоупотребуваат „zero-day“ пропустите, а вратите се широко отворени за сите. Ова е одличен показател како злоупотреба на безбедносни пропусти и креирање на хакерски алатки на крај се користат против нивните креатори.

Секако не е тајна дека агенциите на сите држави ги злоупотребуваат овие пропусти. Секогаш кога ќе нивните вработени ќе откријат некој пропуст наместо да го пријават за да го затворат, бараат начин како најефикасно да го искористат за напад. За жал отворените пропусти се отворени за сите, па на крај сите се и жртви.

Во 2016 групата Shadow Brokers ги стави на продажба алатките на NSA и за нив побараа 1 милион биткоини. Jian е креиран две години порано и покажува дека агенцијата го „загубила“ софтверот и пред 2016 кога за првпат беше објавено пробивањето на NSA.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

МАКЕДОНИЈА осигурување АД Скопје Виена Иншуренс Груп

Оглас за вработување на ORACLE DBA

види ги сите огласи на kariera.it.mk