Таблетот на Amazon, Kindle, со 42.5 отсто од измерениот сообрaќај е најупотребуван Android таблет компјутер за пристап на интернет на северноамериканскиот пазар. Сепак кога станува збор за најкористен таблет компјутер, првото место останува во „рацете“ на iPad со 84.3 отсто од интернет сообраќајот и пораст од 1.9 отсто од јуни, покажува анализата на Chitika.
Интересно новиот Nexus 7 не го помести пристапот до интернет и Nexus серијата останува на 7.2 отсто во делот за интернет сообраќајот. Намалувањето на цената на таблетот на Amazon, му донесе на Kindle пораст од неколку проценти. Се чини дека порастот на користење на Kindle е на сметка на сите Android таблети со исклучок на Nexus, но најголем удар претрпеа Samsung таблет компјутерите. Засега изгледа извесно дека состојбата на пазарот ќе остане непроменета до новогодишните празници, период во кој речиси секој пат има видливи поместувања.
За оваа анализа Chitka испита податоци од десетици милиони Android таблети, кои ја оставаа својата трага на Chitika Advertising Network од почетокот на јуни до крајот на август. Потоа се издвоени Nexus 7 и Kindle Fire уредите и споредени се со останатите Android уреди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
