На лидерската средба на премиерите од Централна и Источна Европа, кинескиот премиер Ли Кекианг најави отворање на нов инвестициски фонд. Фондот ќе финансира проекти во Централна и Источна Еврпа, а поддржан е од Индустриската и комерцијална банка на Кина.
„Тежината“ на фондот е 10 милијарди евра. Целта на фондот е да собере финансии во вредност од 50 милијарди евра во различни сектори. Средствата ќе бидат користени за финансирање на инфраструктурни проекти, проекти од производство висока технологија и стока за широка потрошувачка.
Фондот ќе биде раководен од Sino-CEE Financial Holdings Ltd, компанија која банката ја основа оваа година за оваа немена. Иако финансиите се од буџетот на Кина, сепак инвестициите ќе ги води пазарот. Официјално фондот е презентиран на самитот кој се одржува во Рига.
Државите во кои ќе инвестира фондот се од интерес на Кина, и се своевиден модерен пат на свилата, вели Reuters. Германија е еден од противниците на експанзијата на Кина во Европската Унија, па ќе биде интересно да се види одговорот на најголемата европска економија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
