Ким Дотком, контроверзниот основач на затворениот Мegaupload и неговата замена Mega, стартува нов музички сервис на кој првиот објавен албум е неговиот Good Times. Ким Дотком не е познат како музичар, иако во неговата борба да го одржи Megaupload успеа да привлече еден куп познати музички ѕвезди како Паф Диди и Вил.Ај.Ем. да го промовираат.
Крстен Baboom, новиот музички сервис ќе им конкурира на iTunes и Spotify. Првиот албум, тој на Ким Дотком, продуциран од Принз Борд од Black Eyed Peas, ќе биде бесплатен за симнување во неколку разни формати, но сите други ќе може да се продаваат. Бизнис моделот на Baboom е да им се дозволи на музичарите да продаваат албуми и песни директно на публиката, и при тоа да зачуваат до 90 отсто од продажбата. Доколку некој музичар сака да ја даде својата музика за без пари, сепак ќе може да заработува пари преку плагин со кој ќе се пласираат реклами.
[youtube]anupzN2DoA8[/youtube]
