Killing Floor 2 е излезена веќе неколку години, но надополнувањата за оваа ко-оп пукачка игра и понатаму се со ист интензитет.
Killing Floor 2: Infinite Onslaught е надополнување кое ќе ви дозволи да се втурнете во бескрајни пресметки со надалеку симпатичните зомби-чудовишта.
„Предизвикајте ги неуморните бранови од Зед кои стануваат попредизвикувачки со секој нареден бран, а The Patriarch ја презема улогата на The Trader,“ објаснуваат на официјалниот сајт на Tripwire Interactive.
Покрај новиот Endless Mode, играчите добиваат и три нови оружја, како MAC-10 SMG, Husk и AF2011-A1 пиштол. Оние кои носталгично се потсетуваат на првата игра, конечно ќе можат да играат како D.A.R. или domestic assistant robot. На располагање имате и две нови мапи, едната од нив (Powercore) е дизајнирана од заедницата. Другата мапа се вика DieSector.
За дополнителна разноликост и предизвици, тимот нуди и нови козметички работи, кутии со плен, достигнувања и скинови за оружја.
Последен пат кога ја игравме Killing Floor 2 бевме презадоволни од одличната оптимизација и недостаток од багови. Со оваа надополнување, тимот ветува дека играта е уште подобра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
