Акционите игри знаат да бидат исклучително забавни. Ова е двојно точно доколку ја земете основната формула во една акциона игра и ја промешате со интересни заплети. Kickback Slug: Cosmic Courier го прави токму тоа: нуди одлична акција со бројни пресврти кои земаат во предвид неколку физички закони за да понудат бројни откачени моменти!
На кратко, Kickback Slug: Cosmic Courier е инди игра во која се земаат во предвид физички закони за движење и избегнување предмети. Играјќи со полжав, движењето би ви било исклучително ограничено и споро. За среќа имате на располагање арсенал од оружја каде се користи повратниот удар од истрелите за да се движите во најразлични правци низ мапите.
Приказната нема да освои никакви награди; тука е повеќе за да даде некое бледо значење на универзумот во кој се наоѓате и акциите што ги правите. Ова воопшто не е проблем и бидејќи повеќе од очигледно е дека фокусот е на механиките со движење и избегнување пречки.
Како и да е, вие сте доставувачи за меѓугалактичка компанија која има исклучително високи стандарди за достава. Во трката да бидете признаени како вработени на месецот, ќе се случи несреќа во која ќе се најдете насукани на невообичаена планете, а вашите пратки ќе бидат расфрлени низ целата планета. Претпоставуваме претпоставувате каде одиме со ова….
Собирање пратки со стил
Светот е интересен, непредвидлив и полн со забавни механики низ кои пукате, се движите, ибегнувате препрепи или се соочувате со предизвикувачки босоци. За поефикасно движење во просторот, но и за справување со непријателите, имате на располагање три уникатни оружја кои бараат одредено експериментирање и не се баш лесни за навикнување. Но, откако ќе се навикнете на првото оружје, ќе започнете движење низ пет игриви зони и ќе пролетувате низ најразлични и интересни биоми за истражување – од ледени места, преку напуштени рудници, па се до вселенски пространства.
Како што напоменавме, клучната механика во Kickback Slug: Cosmic Courier се темели на движење засновано на повратните удари од вашите оружја. Развојното студио Kittens in Timespace го има максимално експоатирано овој елемент и нуди шест дополнителни бонус нивоа каде целосно можете да видите до кој степен го имате совладано ваквото движење.
Во случај да барате мала, но релаксирачка инди игра со ретко видени механики, Kickback Slug: Cosmic Courier е нашиот предлог за денес! За многу други, читајте нѐ и понатаму!
Повеќе детали за играта
- Произведува: Kittens in Timespace
- Издава: Bonus Stage Publishing
- Жанр: акција, загатки
- Платформа: Microsoft Windows
- Излезена на: 26 октомври 2023
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
