Тешко е да се промените надворешниот физички дизајн на телефоните, можеби да најдете некоја уникатна маска, но затоа има многу лесен начин, благодарение на ТechRadar, да го промените интерфејсот на Аndroid да изгледа како тој на iPhone.

Сигурно многу од фановите на Android ќе се навредат од овој текст, поголемиот дел се анти-iPhone, но смирете ги страстите и имајте на ум дека овој текст е само пример т.е совет на како лесно да се персонализира Android со бројните теми и апликации.

• Toa што ќе ви е потребно е да си симнете тема, пример iPhone Go Launcher EX Theme, која e бесплатна тема за Android која го прави интерфејсот да наликува на тој на iOS. Платената верзија на оваа тема која чини 53 денари, која да не заборавиме исто така бара претходно инсталиран бесплатниот Go Launcher, со ист наслов која има повеќе опции и позадини.
• Moжеби повеќе ќе ви се допадне беслатниот Espier Launcher кој ја има истата функционалност, односно промена на темата на Android.

• Бесплатната iPhone Style Folders е апликација за групирање на апликациите во фолдери што наликуваат на тие од iOS уредите.
• Бесплатната или платената верзија на LockBot меѓу бројните стилови на екрани за заклучување на телефонот има и iOS верзија. Слична апликација е и WidgetLocker Lockscreen но таа чини околу 130 денари.
• А.I.type Keyboard е бесплатна и платена апликација која го променува изгледот на тастатурата да наликува на тaa на iOS. Покрај изгледот оваа тастатура има одлична функционалност да предвиди што сакате да напишете.
• Classic Notes Lite + App Box е aпликација за фаќање белешки која многу наликува на Notes на iOS.
• Една од поинтересните апликации е Vlingo Virtual Assistant која е апликација што може да го замени Siri т.е. да го долови Siri моментот за гласовно комуницирање на телефонот наредувајќи му да извршува одредени функции. Vlingo е бесплатна апликација.

Уживајте во вашиот iPhone Android!