Изворот на Wikileaks, Бредли Менинг, е осуден на 35 години затвор

во Свет

Војниот суд му изрече казна затвор од 35 години затвор на Бредли Менинг. Дваесет и пет годишниот војник е осуден за шпионажа, но не и за обвинението дека го потпомагал непријателот кое можеше да го задржи во затвор доживотно. Иако обвинителите бараа 60 години затвор за случајот да служи како пример за другите, судот одлучи дека на Менинг ќе му бидат признаени и сите 112 дена кои ги одлега во затвор до пресудата. Доколку се однесува добро во затворот, можно е на Менинг да му биде скратена казната, но само откако ќе одлежи една третина од казната.

Менинг, кој служеше како аналитичар во Ирак во 2010-та година, му призна на судот дека е изворот на Wikileaks за доверливите документи за војната во Ирак и Авганистан, како и стотици илјади дипломатски депеши. Тој додаде дека само сакал да ги информира луѓето и да започне јавна дебата за да го смени светот на подобро, и немал намера да помога на непријателите.

„Жал ми е што ги повредив Американските држави.“, се извини Менинг.

Американското здружение за граѓански права испрати остри критики за одлуката велејќи за Washington Post дека „има нешто лошо во правниот систем кога војник кој споделил информации со медиумите и јавностa е казнат многу построго отколку војниците кои малтретираат затвореници и убиваат цивили“.

Amnesty International започна кампања со барање до американскиот претседател Барак Обама да го помилува Менинг.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments