На 11 мај во „City Hall“ во Скопје ќе се одржи DevCon. Настанот е наменет за девелопери, но можат да го посетат сите.
Посетителите на DevCon ќе можат да слушнат за најновите технологии и трендови од мобилниот и веб секторот. Ќе се зборува за технологии, јазици и библиотеки. Говорници ќе бидат одбрани етаблирани професионалци од Македонија, но и од други држави. Секако овие конференции се одлична можност и за дружење и запознавање со заедницата.
Што се однесува до говорниците на првиот DevCon ќе говорат: Кристијан Ристовски, подоцна обајавено; Anomaly Detection / Machine Learning, Стојан Ганчев; Introduction to GraphQL, Стефан Јанев; Electron: Desktop apps with JavaScript, Бојан Божиновски; React Hooks. What, how, and why, Димитар Делев; Writing correct programs, Боро Ситниковски; DoS-ing Sedmica, Андреј Трајчевски и ProtoBuf: gRPC and Versioned Technology Agnostic Communication, Радослав Габровски.
Посетата на конференцијата е бесплатна, но капацитетот е ограничен па посетителите треба да се регистрираат. За да нема злоупотреби, организаторот овозможи единствено индивидуални пријави. Ако задоцните со пријавата и нема простор за други учесници, не очајувајте, говорите и настанот ќе бидат снимени и ќе може подоцна да ги изгледате.
Ваква конференција за веб и мобилни технологии за првпат ќе се одржи во Македонија. Организаторите ветуваат дека ова ќе стане редовна годишна средба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Solveo 
Web Factory 
Netcetera 
A1 Македонија 
