Дали имате некоја идеја за која не сте сигурни дека ќе успее? Или имате смислен проект за кој сте сигурни дека ќе биде успешен, но никогаш не сте имале време да го реализирате? Startup Weekend е место на кое може да ја реализирате, проверите и презентирате вашата идеја. Учесниците ќе можат да си пронајдат тим, да направат прототип, да ја тестираат и да ја презентираат својата идеа.
Оваа година Startup Weekend powered by Google for entrepreneurs ќе се одржи од 19 до 21 октомври во просториите на CEED HUB. Овој Startup Weekend е организиран од Solveo.
Условите се исти како и претходно. Идејата на која учесниците работат, треба да биде нова, а не нешто на кое работеле претходно. Надвор од ова речиси и да нема некакви ограничувања, може да се одбере и реализира било која идеја од речиси било која област. Освен можност за работа на идејата и запознавање на луѓе со слични размислувања, учесниците ќе запознаат и ментори, развивачи, дизајнери; сè што би можело да им затреба за понатамошна реализација на идејата.
Судиите на настанот се експерти во своите области: Глигор Дачевски, основач и директор на DoXteam; Сиње Вимсалу, World Business Angels Investment Forum; Димитар Ковачевски, професор на University American College Skopje; Ѓорги Кушевски, CEED Hub Скопје.
Повеќе податоци и билети за настанот може да пронајдете на страница на Startup Weekend.
Напомена: IT.mk е медиумски спонзор на настанот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
