Добри вести за сите девелопери кои со нетрпение го очекуваат секое издание на JavaSkop! Од настанот не делат едвај неколку дена и многу скоро ќе може да ги слушате говорите на еминентните експерти во своите области. Настанот започна да се одржува како JavaDay, а од пред 4 години се „ребрендира“ во JavaSkop. Ако не сте слушнале досега, JavaSkop е еднодневна конференција наменета пред сѐ за Java заедницата. Настанот е организиран од Java User Group Macedonia (JUGMK). JavaSkop како JavaDay се одржува уште од 2010. Минатата година настанот го посетија над 500 посетители.
Листата на говорници и темите кои ќе бидат опфатени повторно се импресивни. Од тестови на апликации во „тест контејнери“ до Kotlin, Boilerplate, Open JDK 11 и куп други актуелни и интересни теми кои може да ги погледнете на агендата за настанот. На истата страница може да ја пронајдете и листата на говорници.
Како и минатата година, така и оваа настанот се одржува во Cineplexx во Хала 5 и Хала 6.
Разбирливо, поради ограниченоста на капацитетот потребно е сите заинтересирани посетители да го најават своето присуство. Регистрациите за настанот се веќе отворени и доколку сакате да присуствувате, задолжително е да се пријавите на EventBrite. Настанот е бесплатен и од отворен карактер, а сите предавања/говори ќе бидат на англиски јазик.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Seavus 
