На 21 ноември во 19 часот се одржува Вториот интернационален фестивал на филмови снимени со мобилен телефон, Mобиле Фестивал 2011.
„Првиот Фестивал на филмови снимани на мобилен телефон во светот се одржа во Париз пред шест години. Мобил Фестивал е Првиот фестивал на филмови снимани на мобилен во Македонија. На два милиона и шеесет и шест илјади жители, Македонија има околу 2 милиони и седумстотини илјади мобилни телефони и исто толку потенцијални ‘филмаџии’. Доволен предизвик за да стартуваме со ваков фестивал.“
Покрај проекција на разни кратки филмови снимени со мобилен кои се претставени на другите филмски фестивали, како Shootit, Mobilfilmfestival, Mobile Screenfest, HKMFF, ќе има и натпревар на филмови снимени со мобилен од македонски корисници. Заинтересираните филмаџии треба да го пријават својот краток филм до 18.11. Победничкиот филм ќе учестува на реномирани светски фестивали.
Минатата година, на првиот ваков фестивал, победи краткиот филм „Гумата и цртежот“ на Бојан Стојчевски. Видеото е подолу.
[youtube]w-9sHtmX9Vw[/youtube]
