Доколку го посетите следниов линк, ќе можете да се втурнете во детално истражување на 16 планети, месечини и џуџести планети.
Преку технологијата која произлегува од Google Maps, посетителите можат во целосна тродимензионална форма и до најситни детали да ги набљудуваат небесните тела, па дури и да навлезат во Меѓународната Вселенска Станица и да го видат Соларниот Систем онака како што астронаутите го гледале со години наназад.
Ваквото нешто највеќе се должи на Cassini-Huygens мисијата од пред 20 години – заеднички проект помеѓу NASA, Европската Вселенска Агенција и Италијанската Вселенска Агенција. Со нивни заеднички напори била испратена сонда која во последниве две децении има испратено скоро 500 000 фотографии од Соларниот Систем. Она што вие ќе најдете на линкот е продукт од дополнителни ангажирања, каде научниците макотрпно надоврзувале една со друга фотографија, а и користеле фотографии од целосно други мисии.
Покрај визуелно впивање на убавините, на располагање имате и текстуални објаснувања за одредени локации, процеси и настани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
