Со секоја надградба на iOS дел од телефоните „се пензионираат“, новата надградба на iOS 11 нема да биде достапна на iPhone 5 и iPhone 5C. Дополнително оваа надградба на оперативниот систем нема да биде достапна ниту на iPad 4. Apple го претстави оперативниот систем iOS 11 на WWDC 2017. Најавата за надградбата беше најголемата и најважната вест на настанот.
Далеку поинтересно и помачно ќе биде надградувањето на апликациите. Со новиот оперативен систем ќе функционираат 64-битни апликации. Поддршката за 32-битни апликации престанува со оваа верзија на iOS. iPhone 5S сега е најстариот телефон за кој е достапна поддршката. Процесорот A7 кој се користи во iPhone 5S e и првиот 64-битен процесор за паметни телефони.
Овие апликации ќе треба да бидат надградени и заменети. Сите 32-битни апликации ќе престанат да работат на есен со официјалната надградба на iOS 11. За да проверите дали некоја од омилените апликации ќе биде недостапна можете да отитдете до: „Settings > General > About > Applications > App Compatibility“, објасни Guardian.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
