Истражувачи од универзитетот Оксворд работат на технологија која ќе овозможи светлосен интернет пренос. Новата Li-Fi технологија ќе овозможи бежичен пренос од 100 гигабити во секунда, објави IEEE.
Предавателот во експериментот е поставен на плафонот од каде треба да го испрати зракот до приемникот на компјутерот. Токму ова е најголемиот предизвик на технологијата бидејќи на излез од оптичкото влакно ширината на зракот е 8 до 9 микрометри, а пред него не смее да има пречки. Тимот од Оксворд користи холографско управување на зракот на предавателот и на приемникот, а со помош на течни кристали зракот се прекршува во посакуваната насока.
Недостаток е непоходниот непречен пренос за светлиината до предавателот. Сепак со технологијата каква што е во моментов, тимот успеа да креира 6 канали на различни бранови должини, секој од нив со 37 Gb/s за комбиниран пренос од 224 Gb/s. Бројот на канали зависи од видното поле, па за разлика од претходниот обид со 60О, во обидот каде видното поле е 36О успеа да креираат три канали за комбиниран пренос од 112 Gb/s.
Барем во моментов приемникот мора да биде во фиксна положба, па Wi-Fi мрежата е далеку од „пензионирање“, иако теоретската брзина на Li-Fi е 3 терабити во секунда, наспроти 7 гигабити во секунда на Wi-Fi. Следен предизвик на тимот е можност за репозиционирање на приемникот, со што корисникот би можел да го префрли својот компјутер било каде во собата без притоа да се грижи за интернет пристап.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
