Илон Маск е еден од ретките технолошки лидери кои се дел од советничкиот кабинет на претседателот Доналд Трамп. Поради оваа одлука често е цел на критики, но тој неколку пати објасни дека одвнатре има поголемо влијание на одлуките.
Сепак сега изгледа дека и на Илон Маск трепението му е при крај и има граница која нема да ја помине. Доколку претседателот Трамп се повлече од Парискиот договор за климатски промени, Маск ќе ја напушти функцијата на советник. Ова не е никакво изненадување, а токму можноста да влијае одвнатре на климатските промени е една од причините поради која остана како советник.
„Не знам во која насока ќе оди Париз, но направив се што можам да го советувам директно претседателот, преку други во Белата куќа и различни совети дека остануваме… На прашањето ‘Што ќе направи ако САД го напушти договорот?’, г. Маск вели: ‘Нема да имам никаков избор освен да ја напуштам функцијата’“.
Намалувањето на понатамошото влијание на луѓето врз климатските промени е главна мотивација на г. Маск. Електричните возила, батериите за домот и соларните панели, треба значително да ја намалат емисијата на штетни гасови и да ги намалат климатските промени.
Поддршка за останување во Парискиот договор изразија и Apple, Microsoft и Intel. Компаниите објавија огласи во весниците во Вашингтон, а Тим Кук и лично зборувал со претседателот за да ја изрази својата поддршка.
Don’t know which way Paris will go, but I’ve done all I can to advise directly to POTUS, through others in WH & via councils, that we remain
— Elon Musk (@elonmusk) May 31, 2017
