Со март доаѓа пролетта, а со пролетта еден куп игри кои ќе дадат сè од себе да ве одделат од сонцето и од физички контакти со вистински лица. За таа цел, конзолашите први потклекнаа на занесениот шепот на Horizon Zero Dawn. Наскоро по нив, Нинтендо ќе се обиде да ги импресионира сите останати и со долгоочекуваната конзола Switch, како и првите игри за неа, од кои дефинитивно би сакале да ги истакнеме The Legend of Zelda: Breath of the Wild како и Super Bomberman R. Набргу потоа, на 7 март, Ghost Recon Wildlands ќе отвори уште еден неверојатно комплексен свет за препукување, а на 14 март, Battlefield фанатиците ќе можат да се втурнат во уште едно DLC. Во третата недела од месецот, Mass Effect Andromeda ќе нападне со сè што ѝ стои на располагање и ќе ви дозволи да истражувате целосно нова галаксија, а на 28 март, Mafiia III ќе се прошири со уште еден додаток. За сево ова и многу повеќе, ја подготвивме следнава листа од игрите кои ќе се појават овој месец.
1 март
Horizon Zero Dawn
Играта ги исполнува очекувањата на фановите и ве наградува со огромен свет за истражување, предизвикувачки борбен систем, но и ситуации со напнато прикрадување.
A King’s Tale: Final Fantasy XV
Додаток за Final Fantasy XV кој беше првенствено достапен само за оние кои предвреме ја купија играта, A King’s Tale сега е бесплатен за сите.
3 март
Nintendo Switch – Console
Преносливоста, поткрепена од флексибилен хардвер е најголемата предност и ви дозволува да ги однесете игрите онаму каде сакате и да ги играте со кого сакате, што е тешко остварливо со некоја друга алатка од овој калибар. Прочитајте повеќе тука!
The Legend of Zelda: Breath of the Wild – Nintendo Switch, Wii U
Игра која ќе ве плени со отворениот свет, впечатливите битки и импресивната графика. Ако веќе купувате Nintendo Switch, купете го за оваа игра.
1-2-Switch – Nintendo Switch
Колекција од 28 мини игри кои целосно ги опфаќаат можностите на преносливата конзола.
Super Bomberman R – Nintendo Switch
Првата Bomberman игра во последните седум години воедно ја означува и 33 годишнината на овој серијал. Покрај мрежното играње, Super Bomberman R ќе се одликува и со приказна.
Snipperclips – Nintendo Switch
Ко-оп игра со решавање загатки која на моменти делува премногу комплицирана за обичните смртници.
I Am Setsuna – Nintendo Switch
Прекрасно остварување за сите љубители на Chrono Trigger и Final Fantasy VI. I Am Setsuna е пример за тоа како треба да изгледа една модерна JRPG, но доколку не ви се купува Nintendo Switch само за неа, заиграјте ја PS4 или PC верзијата.
Just Dance 2017 – Nintendo Switch
Дали навистина треба какво било објаснување? :)
Skylanders Imaginators – Nintendo Switch
Уште еден порт кој го надоместува задоцнувањето со содржително надополнување и дозвола за складирање до 300 дигитални верзии на вашите фигури.
The Walking Dead: A New Frontier – PS4, Xbox One
Сите оние кои се по telltale наративни игри со харизматичната Клем конечно ќе можат целосно да се посветат на борбата против живите и мртвите. Играта се испорачува со сите шест епизоди од сезоната.
7 март
Ghost Recon: Wildlands – PS4, Xbox One, PC
Боливија е вашата дестинација, особено доколку сте по ставање крај на шверцери со дрога. Иако игрива соло, Ghost Recon: Wildlands навистина сјае кога се игра со вистински лица.
10 март
Atelier Firis: The Alchemist and the Mysterious Journey – PS4
Уште еден пријатен продолжеток на хитот од минатата година, Atelier Sophie
Lego Worlds – PS4, Xbox One, PC
По скоро две години во бета развој, играта излегува и ви дозволува градење на сè живо и диво, а неодоливо коцкасто.
Nier: Automata
Долго очекуваното чедо на Square Enix ви дозволува да истражувате пост апокалиптичен свет со експлозивни битки и впечатлива приказна.
Mario Sports Superstars – 3DS
Заиграјте фудбал, безбол, тенис, голф и трки со коњи на италијански начин! :)
14 март
Styx: Shards of Darkness – PS4, Xbox One, PC
Продолжетокот на оригиналната игра од 2014 година е уште поприкадувачка и позастрашувачка. Користете магии и садистички алатки за да незабележани истражувате сомнително партнерство со дворфската раса.
17 март
FlatOut 4: Total Insanity – PS4, Xbox One, PC
FlatOut отсекогаш нудел сомнителен фикс за задоволување на вашата потреба за брзина, но четворката се заканува да ве импресионира со огромните отворени траки за тркање, околини и пречки кои се уништуваат и бројни режими на играње.
2Dark – PS4, Xbox One, PC
Од ко-креаторот на Alone in the Dark и Little Big Adventure ни доаѓа хорор игра каде е потребно да пронајдете исчезнати деца од еден мал град.
Danganronpa 1+2 Reload – PS4
PS4 римејк кој овозможува поддршка за висока дефиниција и воведува неколку модови и посакувани функции во игрите.
23 март
Mass Effect: Andromeda – PS4, Xbox One, PC
Вселенската опера продолжува. Информирајте се за тоа што би можело да ве очекува преку нашиот специјален извештај!
24 март
Toukiden 2 – PS4, PS Vita, Steam
Hack-slash акција за вистинските самураи, во отворен свет и бројни комбинации од смртоносни потези, мини игри, споредни квестови и подобрен крафтинг систем.
Sudden Strike 4 – PS4, PC
Најновата стратегија од овој серијал е сместена во Втората Светска Војна и нуди три кампањи низ над 20 мисии.
Troll and I – PS4, Xbox One, PC
Базирана на нордиско верување, играта не може, а да не се споредува со The Last Guardian.
Vikings: Wolves of Midgard – PS4, Xbox One, PC
Влече инспирација од нордиска митологија и ви дозволува да користите божествени моќи за да се одбраните од апокалипсата и да го обновите светот околу вас
31 март
Kingdom Hearts HD 1.5 and 2.5 Remix – PS4
Колекција од првите две игри, спинофи и GG филмови
God Wars: Future Past – PS4, PS Vita
Тактичка RPG игра која преку солиден гејмплеј и симпатични аниме сцени ви дозволува да го истражувате јапонското потекло. Прилагодувајте и надградувајте класи и опрема, имплементирајте стратегии и потсетете се за верувањата и легендите на овој древен народ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
