Откако првично ја одложија конференција на која ќе ја претстават новата верзија на оперативниот систем Android, Ice Cream Sandwich, Google и Samsung официјално повторно ја закажаа на 19 октомври во Хонг Конг. Конференцијата ќе биде во живо прикажана на официјалниот YouTube канал на Android.
Покрај претставувањето на новиот Android Ice Cream Sandwich, на конференцијата се очекува дека ќе биде претставен и првиот паметен телефон кој ќе работи на овој оперативен систем. Станува збор за паметниот телефон Samsung Galaxy Nexus, или попознат како Nexus Prime, кој ќе може да се пофали со TI OMAP 4460 dual-core 1,2 GHz процесор, 1 GB RAM, 32 GB внатрешна меморија, и камера од 5 мегапиксели со можност за снимање за 1080 HD снимање.
По повод лансирањето на новата верзија на Android, конечно на Twitter се појави официјален Android профил, @Android, каде сè уште нема баш што да се чита, меѓутоа наскоро таа ситуација ќе се промени. Првиот споделен твит од овој профил е видеото кое можете да го погледнете подоле.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
