IBM вели дека за 5 години компјутерите ќе препознаваат допир, вид, вкус, мирис и звук

во Свет, Хардвер

IBM предвидува дека во следните пет години компјутерите ќе ги имаат истите сетила како и луѓето. Предвидувањето доаѓа во „5 in 5“ листа во која IBM секоја година ги предвидува трендовите во технологијата. Според IBM, паметните телефони, таблет, лаптоп или десктоп компјутери ќе ни овозможат  преку нив да почуствуваме допир, вид, вкус, мирис или звук, односно компјутерите подобро ќе ги разбираат сетилата.

IBM веќе работи на апликација која ќе овозможи преку вибрациите на телефонот да ја почувствувате структурата на материјалот. Преку „силата“ на вибрациите ќе може да се разликуваат памучна од  свилена кошула. Па преку вибрацците ќе може да го „излажеме“ мозокот дека во раката имаме некаков материјал кога тој не е таму.

[youtube]Gg3tmZrwbDs[/youtube]

Со подобро разбирање на сликата комјутерите ќе почнат да и даваат поголемо значење од едноставен збир на пиксели. На некои слики се побитни боите,пример слики од плажа или пејсаж, додека на други се поважни рабовите на елементите, како слики на згради или слично. Кога компјутерите ќе успеат да ги „научат“ разликите и начинот на кој треба да ги „разбираат“ сликите, примената на сликите во медицината, пред се во дијагностиката ќе биде од непроценливо значење. На пример во иднина со споредби на слики од претходна и од сегашна состојба, би можело да се дијагностицира рак на кожата уште во рана фаза.

[youtube]YwfJVwknvRo[/youtube]

Ако преведувачот на Microsoft изгледаше импресивно, предвидувањето на IBM  е на граница на веројатноста. Компјутер кој ќе го „научи“ јазикот на бебињата и ќе им преведува на родителите зошто бебето плаче и што му е потребно. Покрај ова со поставување на звучни сензори во почвата, компјутерите ќе можат да „наслушнат“ дали некаде се подготвува поплава или лизгање на земјиште.

Со помош на расчленување на храната на молекулите од која таа е составена, како и вкусот кој го го испуштаат, компјутерот ќе може да ви каже дали некое јадење ви се допаѓа или не уште пред да го пробате. Слично на ова, ќе можете да „генерирате“ јадење кое е здраво, а истовремено и вкусно.  Слично како и јадењето и мирисот може да се одреди според молекулите кои кои компјутерот ги „вдишува“. Ако вакви сензори се вградат во домот или на пример во телефоните, уредите ќе можат да „намирисаат“ дали сте болни уште пред да се појават симптомите на болеста.

[youtube]RYkSvNKdyBM[/youtube]

Добивај известувања
Извести ме за
guest
0 Коментари
Inline Feedbacks
View all comments