IBM произведува компјутери повеќе од 65 години, a денес разви силиконски микрочипови кои го имитираат работењето на мозокот и се присопособуваат како одговор на новите информации кои ги добиваат. Овој развиток претставува важен чекор во креирањето на когнитивно пресметување, кое им овозможува на компјутерите да извршуваат умствени активности, како што е учење или препознавање.
Овој проект е соработка помеѓу IBM и DARPA, агенција која е дел од американската армијата за развој на нови технологии кои би се користеле во армијата. Според IBM, овие чипови во иднина би можеле да го емулираат работењето на мозокот, и оттука ќе можат да препознаваат, да чувствуваат, да комуницираат и да осознаваат. Ќе можат да ги прават сите умствени работи што ги прави човекот, но подобро. Исто така овие чипови можат да придонесат за многу помоќни, и поефикасни компјутери кои ќе зафаќаат многу помалку простор.
Истражувачитена IBM и DARPA ја имаат завршено првата фаза од проектот, која вклучува креирање на основна компјутерска единица која потоа ќе се реплицира за да се формираат основните елементи на компјутерот кој ќе функционира како мозок. Според главниот истражувач, Дармендра Мода, овие чипови се почетокот на нова генерација на компјутери, кои ќе комбинираат суперпресметување, нанотехнологија и неврологија.
Компјутерските научници одамна се фасцинирани од тоа како мозокот успева да процесира толку многу информации истовремено со многу малку сила, и сето тоа се одвива на различни поврзани локации. Креираните чипови содржат 256 неврони кои се поврзани на истиот начин како и невроните во мозокот. Се разбира мозокот содржи милијарди неврони, а целта на истражувачите е да се достигне оваа бројка.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
