Почнува нова серија на видео туторијали на Никола Ѓоргиев, кој досега сподели неколку серии видео-лекции за популарни и корисни технологии.
Новите туторијали се за HTML и CSS, и вообичаено започнуваат со претставување на алатките. Во случајов тоа е Visual Studio Code и неколку корисни екстензии за алатката.
Туторијалите се наменети за почетници и не е потребно да имате никакво претходно предзнаење за да може да ги следите.
Никола Ѓоргиев е фронт-енд девелопер кој своето C#, Unity, JavaScript и React искуство ги споделува со сите преку туторијали на својот YouTube канал. Овојпат, Никола го споделува своето искуство со HTML/CSS, како вовед во продолжување на React туторијалите. Во моментов Никола е сениор фронт-енд девелопер во Dept.
Видеата се одлично склопени, едноставни за разбирање, и што е вистинска реткост, на македонски.
