Тајванскиот производител на паметни телефони, HTC, го ангажираше најплатениот холивудски актер Роберт Дауни Џуниор да им помогне да се ребрендираат. Кампањата за чија цел ќе се потрошат скоро 1 милијарда долари го носи името „Change“ и чини колку целиот маркетинг буџет што го имала компанијата за целата мината година. За споредба годишниот маркетинг буџет на Samsung e околу 10 милијарди долари.
Во рекламното видео кое треба да биде објавено на 15 август, Роберт Дауни Џуниор, кој ќе добие околу 12 милиони за две годишен договор, е во улога на човекот што треба да објасни за што стои акронимот HTC. „Hold This Cat“ и „Humongrous Tinfoil Catamaran“ се едни од алтернативите кои тој ги користи, наместо „High Tech Computer“.
Оваа кампања е дело на новиот шеф на маркетинг одделот, Бен Хо, кој во март ја „уби“ пораката „Quietly Brilliant“ како замена за нешто позвучно. „Change“ кампањата ќе трае две до три години.
[youtube]http://www.youtube.com/watch?v=UpGUV6ZrYFw[/youtube]
