Еден од најпопуларните производители на компјутери, HP, ги претстави своите нови уреди по подолго време. Компанијата претстави куп опрема, од лаптопи до монитори и докови, пренесе Ars Technica.
EliteBook G5 доаѓа во неколку големини и варијатни. Станува збор за лаптопи наменети за специфични корисници. Доаѓаат со повеќе функционалности наменети за бизнис секторот. Читач на картички, гигабитен Ethernet и док за „slim“ верзиите. Дека станува збор за уред кој има за цел специфична група, може да се забележи и од интегрираните Skype for Business копчиња.
Лаптопите се сериозно опремени за Skype разговори. Доаѓа со два микрофони од кој едниот е наменет исклучиво за намалување на позадинскиот шум.
Што се однесува до хадверот, компјутерот доаѓа со 8 генерација на Intel процесор; 1TB SSD; до 32 GB RAM. Дел од компјутерите доаѓаат со графички картички од Radeon, RX 540. За секој лаптоп постои и модел со 3840 х 2160 монитор. Иако основниот модел доаѓа со стандардна 1920 х 1080 резолуција.
Сите лаптопи може да се сервисираат и се отпорни на истурање на течност врз тастатурата. Цената на основните модели на лаптопите од оваа серија е околу 1.050 долари.
Компанијата претстави и неколку 4К монитори со големина од 27, 32 и 43 инчи. Цената на мониторите е помеѓу 560 и 800 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
