Првите HoloLens уреди од Microsoft веќе се испорачуваат на бизнис, а првите кои ќе ги добијат своите уреди се од САД и Канада, јави компанијата на својот блог. Заинтересираните компании можат да купат до пет уреди од hololens.com, а повеќе не е потребно да се пријават со специјални пријави. Microsoft објави и дека заврши со испорака на првите уреди за првите развивачи, а со тоа и дека се подготвени за нови испораки.
Првите HoloLens уреди чинеа 3.000 долари, што барем засега прави да бидат далеку од достапни за најголем дел од обичните корисници. Microsoft креираше и софтвер кој ќе овозможи сите уреди да бидат контролирани од еден центар преку кој може да се инсталираат апликации, да се променат дозволи за кои апликации може да се вклучат и криптирање на податоците.
Планот е HoloLens да биде достапен најпрво за компаниите, а дури потоа за пошироката популација која би можела да го користи уредот и како платформа за забава.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
