Холандскиот стартап Fairphone, ја претстави новата верзија на својот модуларен паметен телефон, Fairphone 2. Новиот телефон доаѓа со Android 5.1, 5-инчен HD-екран, 4G LTE, 2GB RAM, Gorilla Glass 3, 8 МР задна камера, Snapdragon 801 процесор, дуал SIM слот и Micro SD слот. Дополнително на телефонот е оставен простор на кој би можеле да се инсталираат сензори кои ќе бидат достапни подоцна.
Но, тоа што е поважно е што се работи за модуларен телефон, или „направи-си-сам“ телефон, што знач дека сите делови се лесно заменливи, па купувачите можат да креираат персонализиран телефон во зависност од сопствените потреби. Покрај ова можна е замена на дотрајани, расипани или делови кои се застарени, а со тоа и намалување на електричниот отпад.
Корисниците на Fairphone 2 може самите да заменат модули од телефонот, иако се чини дека ова не е едноставно колку на Project Ara. Сепак со оглед на тоа дека Project Ara нема дата на излегување, а Fairphone 2 треба да биде достапен од следната година ова е сосем разбирливо.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
