Valve, студиото зад популарната платформа за игри – Steam и понатаму не знае да брои до три. Dota 3, Left4Dead 3, Portal 3, и Team Fortress 3 се што подалеку од реалноста, а таквото нешто се чини дека е вистина и за Half-Life 3. По нешто повеќе од деценија болен молк, студиото најави нова игра во Half-Life универзумот, играта нема да го продолжи клифхангерот од двојката и последователните епизоди, туку обработува настани пред Half-Life 2, и тоа само во виртуелната реалност.
Без скапата опрема за виртуелно реалност, Half-Life: Alyx нема да може да се игра, што, иако е штета, гледајќи го трејлерот, разбираме зошто е тоа така.
Од она што успеавме да прочитаме, Half-Life: Alyx се чини дека е само почеток за она што Valve го планира за серијалот. Кога дизајнерот Дејвив Спејрер беше прашан дали можеме да очекуваме повеќе игри од овој серијал, одговорот кој беше понуден е дека Valve пронашле нови начини за раскажување приказни и дека сакаат да продолжат во понатамошно истражување на истите.
