Brainster 
Во овој серијал на текстови тимот на Brainster ќе споделува Growth маркетинг алатки и техники.
Lumen5 препорачано од Александра, CMO на Brainster
Нова платформа за креирање видеа – секој блог пост може лесно да го претвори во видео. Прави анализа на текстот и сугерира слики кои би одговарале за видеото. Може да користиш и твои слики, а можеш и целосно да го кастамизираш видеото со додавање на лого, watermark или call-to-action.
Има бесплатна верзија со која ќе можеш да создаваш неограничен број на видеа, да користиш повеќе од 10 милиони бесплатни медиа фајлови и да прикачуваш твои слики и логоа.
Smartlook препорачано од Петар Ниновски, CEO на Brainster
Ова е кул алатка која ти помага да го научиш однесувањето на посетителите на твојот сајт или апликација. Можеш да следиш што прават и да видиш зошто отпаѓаат од продажната инка. Smartlook ти покажува каде кликаат, како го движат маусот и како ги прифаќаат формите за пополнување. Оптимизирана е и за PC и за мобилен телефон. Со оваа алатка не мора рачно да креираш следење на настани. Искуствата може лесно да ги споделиш со тимот. Се поставува за неколку минути со вметнување на една скрипта на веб пејџот.
Има бесплатна лимитирана верзија од оваа алатка, за користење на сите функции кои ги има се плаќа, а цената зависи од пакетот кој ќе го одберете.
Outgrow, препорачано од Емилија Здравковска, студент на Академијата за Дигитален Маркетинг.
Интерактивна, персонализирана алатка за маркетинг буст преку креирање квизови, калкулатори и виџети со користење темплејти и визуелизации – слики, видеа, гифчиња. Не треба да се впише ниту еден код, многу е лесна за користење, а многу завршува работа.
Има free trial, потоа се плаќа, а цената зависи од услугите кои ти се потребни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
