Дали Nintendo конечно го откри рецептот за одлична игра за паметни телефони – алтернативна реалност. Компанијата ја најави Pokémon Go видеоигра за iOS и Android. Доколку сте гледале барем една епизода на цртаниот, веројатни ви е јасно дека станува збор за речиси совршен спој. Во цртаниот тренерите на покемоните одат насекаде низ светот барајќи ги ретките покемони и тренирајќи ги, а благодарение на проширената реалност, корисниците можат да го прават истото. Покрај ова корисниците можат меѓу себе да тргуваат со покемоните или да се борат против играчите во близина, а од она што може да го видиме во најавата ќе има и организирани борби покрај силни противници. Со оглед на тоа дека постојаното гледање во телефонот, одзема од забавата, Nintendo работи на алка која ќе ги известува играчите кога се во близина на дигиталните покемони.
Интересно, но барем за сега нема информација дали Nintendo ја добил инспирацијата од првоаприлската шега на Google од пред неколку години кога компанијата на Google Maps ги вметна покемоните. Видеоиграта е најавена за 2016 година, кога започнува и „Мора да ги фатам сите“ лудилото.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
