Google започна со забрана за пристап до дел од сајтовите кои имаат лажни содржини. Станува збор за сајтови кои имаат лажни download копчиња, преку кои се инсталира непожелен софтвер на компјутерот, или пак се дизајнирани да украдат лични податоци на корисникот.
Safe browsing на Google треба да ги заштити корисниците од вебсајтовите кои се копија на постоечките, а се креираат за прибирање на подaтoци на корисниците. Засега безбедното прелистување не е без проблеми, па дел од страните погрешно се препознаваат. „Нашата борба против непосакуваниот софтвер и социјален инженеринг само што започнува. Ќе продолжиме со надградбата за да им помогнеме на повеќе корисници да бидат безбедни онлајн“, вели Google.
Интересно, речиси истовремено со ова, Chrome, Safari и Firefox започнаа да го блокираат Kickass Torrents. TorrentFreak јави дека проблемот е надминат, но прелистувачите сè уште ги предупредуваат корисниците дека станува збор за опасен сајт.
