Siri отсега нема да го користи Bing како стандарден пребарувач. Наместо ова, за гласовниот асистент на Apple стандарден пребарувач сега ќе биде Google, јави TechCrunch.
Промената е поради желбата на Apple за конзистентност на сите уреди, платформи и сервиси. Досега пребарувањето на Safari за macOS и за iOS беше преку Google. Промената се однесува за „Spotlight“ пребарувачот во Siri кој досега го користеше Bing.
„Со префрлањето на Google за веб пребарување во Siri, Search iOS и Spotlight, корисниците ќе имаат конзистентни искуства од пребарувањето како и Safari. Имаме одличен однос со Google и со Microsoft и остануваме определени на најдобро корисничко искуство“, вели Apple..
Пребарувањето на слики барем засега нема да се менува и останува со Bing, а пребарувањето на видеа сега ќе доаѓа директно од YouTube.
Пребарувањето со Google останува анонимно се додека корисникот не отвори „Show Google Results“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
