Google тестира нов кориснички интерфејс за пребарување кој ќе биде наменет за таблет компјутери, открива Digital Inspiration. Новиот кориснички интерфејс го следи новиот естетски тренд кој Google веќе го имплементираше кај Gmail, Google+ и Calendar.
Страничната навигациска лента сега се наоѓа помеѓу полето за пребарување и резултатите, а филтрите се направени како паѓачко мени. Уште една голема промена има во футерот, каде карактеристичното долго лого на Google, кое е составен дел уште од почетокот на Google, го нема повеќе. Наместо тоа, сега има само бројки.
Овој кориснички интерфејс можно е да им се појави на одредени сопствениците на таблет компјутери, не на сите бидејќи сè уште е во тест фаза. Изгледот на новиот кориснички интерфејс можете да го погледнете на сликите подоле.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
