После затворената бета, Photovine се појави во Apple App Store и сега преку него ќе може да се споделуваат фотографии според теми или „лози” (анг. vines), кои се како тагови на Flickr, и кои можат да се раснат според фотографиите кои се споделени.
Лозите се всушност теми кои ги поставуваат корисниците и потоа секој допринесува кон полнење на таа тема со свои фотографии. Ова е интересен концепт да се здружат и мотивираат корисниците да се искажуваат преку фотографии, наместо да пишуваат статуси на теми.
За жал, апликацијата не е достапна за .мк корисниците на iPhone и iOS, но се очекува наскоро да биде достапна ширум светот.
Тоа што е интересно е што Google ја објави Photovine првин за iOS уредите, но не и за Android, што е нивна мобилна платформа. Апликацијата е креирана од Google Slide тимот. Slide е компанија која Google ја купи за 170 милиони долари пред некое време и која се занимава со креирање друштвени игри и мобилни апликации. Photovine не само што не е на Android Market, туку не е промовирана на ниту еден од блоговите на Google, што кажува дека Slide функционира како самостоен тим.
