Наскоро ќе видиме Google Play Games сервис на Android телефоните. Ова се чини е продолжене на Google Games проектот, но овојпат не е шпекулација, туку вистински сервис.
Android Police успеа да ја открие гејминг платформата во Google Play Services v3.1.36 во која се прикажува Google Play Games кој ќе служи како нотификациски центар за сите мобилни игри. Сервисот нуди гасење и вклучување на нотификациите, менаџирање на нотификации од пријателите според Google+ профилите, и листа на изгасени игри. Play Games сервисот ќе има и опција за снимање и синронизирање на игрите меѓу уреди, но блогот вели дека во моментот не се знае како функционира таа опција, но дефинитивно може да се најде во кодот.
Play Games е мултиплеер платформа која ќе ги мотивира корисниците да играат меѓу себе. Има опции за автоматско избирање на играчи, иако корисникот сам може да си одбере со кого да игра. Има и опција за поканување во соби, вклучување и напуштање на соби, и креирање систем на нотификации за да се следат сите игри, и ќе има и чет внатре во игрите. Секако ќе има и табела со резултати и достигнувања.
Повеќе детали за сервисот најверојатно ќе чуеме на Google I/O конференцијата која е закажана за 15 мај.
Со сите овие можности Google Play Games има навистина добар потенцијал да стане добра гејминг платформа, па дури и да биде основа за Google конзола во блиска иднина. Кој знае. Еве ги сликите кои ги сподели Android Police.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
