Соработката на Google и Levi’s ја донесе првата паметна тексас јакна – Jacquard. Двете компании соработуваа и создадоа облека која може да управува и презентира основни податоци со наједноставни команди. Јакната го имаше своето деби на SXSW настанот, во Остин, Тексас.
Изработката на јакната секако е во рацете на Levi’s, она што е во рацете на Google е создавање на текстилот, кој наликува и е обичен текстил, но е спроводлив. Ова овозможува вметнување на електроника директно во парчињата облека. Дополнително компонентите се намалуваат да можат да бидат сместени во копчињата. Подоцна сè ова ќе биде уште помало и ќе може да биде вткаено без да биде забележливо, јавува Google.
Командите на јакната се едноставни. Jacquard се впарува со паметен телефон преку Bluetooth. Потоа овозможува контрола и управување на телефонот. Така провлекување преку манжетните го кажува времето; провлекувањето на другата страна го кажува времето до одбраната локација; двоен допир врз манжетната ја вклучува или ја исклучува музиката. Ова се засега единствените достапни команди.
Цената на Jacquard е далеку од достапна, па 350 долари изгледа дека е премногу. Јакната во моментов е во бета (колку чудно и да звучи ова за облека), а се очекува да биде достапна во продажба до крајот на 2017 година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
