Според Канцеларијата за патенти и авторски права на Соединетите Американски Држави, Google повторно откупиja над 1.000 патенти од IBM. Овој потег е уште еден обид на Google да обезбеди што посигурна позиција за Android против тужби за прекршување на патенти. Зделката помеѓу IBM и Google беше потврдена од Џим Просер, гласноговорник на Google, меѓутоа ниту една од двете компании не се изјаснија за цената на патентите.
Лери Пејџ има изјавено дека состојбата околу Аndroid и патентите не е критична и дека Google повеќе би се концетрирал на развивање на свои технологии отколку да откупува туѓи, меѓутоа Google веќе некое време е во купувачка треска на патенти. Најистакнат потег е купувањето на Motorola Mobile, зделка која ги чинеше Google 12,5 милијарди долари. Со купувањето на Motorola Mobile, Android се збогати со плус 17.000 нови патенти.
Во јули Google исто така купи преку 1000 патенти од IBM. Дел од овие патенти, како и дел од патентите од Motorola Mobile, Google ги има продадено на произведувачот на паметни телефони HTC со цел да го заштити својот оперативен систем од тужбите на Apple. Со спречување на тужбите против себе и против другите, Google ќе може да покаже дека Android е платформа со која производителите на паметни телефони ќе можат да профитираат, а не губат. Ова посебно е важно сега, во моментите кога Windows Phone 7 се спрема да се појави на пазарот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
