Google Keep е нова самостојна Android апликација од интернет гигантот со која може да ги снимате и организирате „сите работи кои сакате да ги запомните“. Апликацијата е едноставна и нуди брзо внесување на белешки со куцање на текст или преку снимање на говор. Може и да се слика преку апликациите и фотографиите да се едитираат со Android алатките. Сите внесени белешки, кои може да се организираат во листи претставени преку убав дизајн кој наликува на Pinterest, може да бидат синхронизирани преку разни уреди.
Новата апликација на Google потсетува на популарната Evernote која се користеше од Android корисниците бидејќи немаше друга алтернатива. Keep е првата мобилна апликација од Google за фаќање белешки која треба да ја врши истата функција како што е Notes или Reminder апликацијата на iOS. Можеби наскоро ќе видиме и Google Keep за iOS како што видовме Maps, Drive, Gmail и други Google aпликации на платформата на Apple.
За жал, Google Keep е достапна само за телефоните кои работат на Android 4.0+. Доколку имате најнов Android ќе може и да си направите виџет на почетниот екран.
[youtube]UbvkHEDvw-o[/youtube]
Само мене почнува да ме нервира гоогле што сака да се напика секаде или?
Само тебе.
ја читав статијата, тотално се согласувам со @moondowner ,
А можеби и баш нема да го користиме бидејќи е од Гугл. Да не го снема онака како Reader ;)
http://gigaom.com/2013/03/20/sorry-google-you-can…