Google во соработка со One Medical и претставниците на јавното здравство ќе претвори дел од своите канцеларии во центри за вакцинација. Компанијата ќе донира и 150 милиони долари за промоција на едукација за вакцините и дистрибуција.
Дел од канцелариите во Сан Франциско, Лос Анџелес, Њујорк, ќе бидат претворени во клиники за вакцинирање. Покрај зградите, за оваа цел ќе бидат користени и паркинзите, и останатиот отворен простор. Со ова Google се надева дека ќе помогне да се забрза вакцинацијата на населението, и состојбата побрзо да се врати во нормала.
„За време на пандемијата Google им помогна на луѓето да дојдат до информации како нивните фамилии да бидат здрави и безбедни. Ги поддржавме малите компании, и за да го спречиме ширењето на Ковид-19 во целиот свет, во партнерство сo Apple, креиравме технологија за нотификации за изложеност. Сега кога претставниците на јавното здравство ги зголемуваат напорите за вакцинација, наоѓаме нови начини да помогнеме“, пишува Сундар Пичаи на блогот на Google
За информирање и едукација на населението, Google ќе донира 100 милиони долари во грантови за рекламирање на Центaрот за контрола на болести (CDC) и Светската здравствена организација. Ова ќе помогне за полесно да се пронајдат локални релевантни податоци, пример, информации за тоа каде луѓето може да се вакцинираат. Компанијата ќе донира и 50 милиони долари во партнерство со здравствените агенции за подобро информирање на изолираните заедници.
